Asamblisti i Lëvizjes Vetëvendosje, Egzon Azemi, ka akuzuar Lidhjen Demokratike të Kosovës se po fsheh bashkëpunimin me PDK-në, Nismën dhe PSD-në, pasi anëtarët e saj larguan me nxitim një letër të vendosur në ulësen e tij gjatë seancës së konstituimit të Kuvendit të Prishtinës.

Incidenti ndodhi gjatë betimit të kryetarit Përparim Rama, kur Azemi vendosi një letër ku shkruhej: “Urime koalicioni LDK–PDK–NISMA–PSD”.

Sipas tij, asamblistët e LDK-së u ngutën ta hiqnin mbishkrimin, gjë që sipas Azemit, tregon se po përpiqen ta mohojnë marrëveshjen politike.

“Sot u konstitua Kuvendi dhe Kryetari i Prishtinës Listës së koalicioneve të pazareve ju bashkua edhe një subjekt që nuk e kisha në letër. Asambleistët e LDK turreshin me vrrull ta hiqnin këtë mbishkrim, pse fshihen? Sigurisht sepse e dijnë edhe ata vet. E Prishtina e din edhe më mirë, se ky është bashkim interesash personale e jo koalicion për qytetin.”, ka shkruar ai në Facebook./Arbresh.info